Post Office : ನಮ್ಮ ಜನರಿಗೆ ಒಂದು ಕಡೆ ಕಷ್ಟಪಟ್ಟು ದುಡಿದ ಹಣವನ್ನು ಸೇಫ್ ಆಗಿ ಇಡುವ ಚಿಂತೆ, ಇನ್ನೊಂದು ಕಡೆ ಹೆಚ್ಚುತ್ತಿರುವ ಬೆಲೆ ಏರಿಕೆಯ ನಡುವೆ ತಿಂಗಳ ಖರ್ಚು ನಿಭಾಯಿಸುವ ಚಿಂತೆ. ಈ ಎರಡೂ ಚಿಂತೆಗಳಿಗೆ ಒಂದೇ ಭರ್ಜರಿ ಪರಿಹಾರ ನಮ್ಮ ಅಂಚೆ ಕಚೇರಿಯಲ್ಲಿದೆ!
ಹೌದು, ನಾವು ನೀವು ಕಣ್ಮುಚ್ಚಿ ನಂಬಬಹುದಾದ ಜಾಗ ಅಂದ್ರೆ ಅದು ಪೋಸ್ಟ್ ಆಫೀಸ್. ಇಲ್ಲಿ ನಿಮ್ಮ ಹಣಕ್ಕೆ ಕೇಂದ್ರ ಸರ್ಕಾರದ ಗ್ಯಾರಂಟಿ ಇರುತ್ತೆ. ಸುಮ್ಮನೆ ಬ್ಯಾಂಕ್ ಸೇವಿಂಗ್ಸ್ ಖಾತೆಯಲ್ಲಿ ಹಣ ಇಟ್ಟು ಕಡಿಮೆ ಬಡ್ಡಿ ಪಡೆಯುವ ಬದಲು, ಅಂಚೆ ಕಚೇರಿಯ ಈ ವಿಶೇಷ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ರೆ, ನೀವು ಕೆಲಸ ಮಾಡದಿದ್ದರೂ ತಿಂಗಳು ತಿಂಗಳು ನಿಮ್ಮ ಕೈಗೆ ಸಂಬಳದಂತೆ ಹಣ ಬಂದು ಬೀಳುತ್ತೆ.
ಅದುವೇ ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ (Post Office Monthly Income Scheme – POMIS). ಏನಿದು ಯೋಜನೆ? ಯಾರಿಗೆಲ್ಲ ಲಾಭ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
ಏನಿದು ಮಂತ್ಲಿ ಇನ್ಕಮ್ ಸ್ಕೀಮ್ (MIS)?
ಹೆಸರೇ ಹೇಳುವಂತೆ ಇದೊಂದು ಪ್ರತಿ ತಿಂಗಳು ನಿಮಗೆ ಆದಾಯ ತಂದುಕೊಡುವ ಯೋಜನೆ. ಇಲ್ಲಿ ನೀವು ಪ್ರತಿ ತಿಂಗಳು ದುಡ್ಡು ಕಟ್ಟುವ ಹಾಗಿಲ್ಲ. ನಿಮ್ಮ ಹತ್ತಿರ ಇರುವ ಒಂದು ದೊಡ್ಡ ಮೊತ್ತವನ್ನು (Lump sum) ಒಮ್ಮೆ ಫಿಕ್ಸ್ ಡೆಪಾಸಿಟ್ ಮಾಡಿದರೆ ಸಾಕು. ಮುಂದಿನ 5 ವರ್ಷಗಳ ಕಾಲ ನಿಮಗೆ ಪ್ರತಿ ತಿಂಗಳು ಬಡ್ಡಿ ರೂಪದಲ್ಲಿ ಫಿಕ್ಸ್ಡ್ ಆದಾಯ ಬರುತ್ತಲೇ ಇರುತ್ತೆ. 5 ವರ್ಷ ಮುಗಿದ ನಂತರ ನೀವು ಕಟ್ಟಿದ ಅಷ್ಟೂ ಹಣ ನಿಮಗೆ ವಾಪಸ್ ಸಿಗುತ್ತದೆ.
ಸದ್ಯದ ಬಡ್ಡಿ ದರ ಎಷ್ಟು?: ಪ್ರಸ್ತುತ (ಜುಲೈ 2024 ರ ಮಾಹಿತಿಯಂತೆ) ಈ ಯೋಜನೆಗೆ ಸರ್ಕಾರ ವಾರ್ಷಿಕ ಶೇ. 7.4 (7.4%) ರಷ್ಟು ಬಡ್ಡಿ ನೀಡುತ್ತಿದೆ. ಇದು ಬ್ಯಾಂಕ್ ಎಫ್‌ಡಿಗಳಿಗಿಂತಲೂ ಆಕರ್ಷಕವಾಗಿದೆ.
ಯಾರಿಗೆಲ್ಲ ಈ ಸ್ಕೀಮ್ ಬೆಸ್ಟ್?
ಇದು ಕೇಂದ್ರ ಸರ್ಕಾರವೇ ನಡೆಸುವ ಸ್ಕೀಮ್ ಆಗಿರೋದ್ರಿಂದ ನಿಮ್ಮ ದುಡ್ಡು ಮುಳುಗೋಗುತ್ತೆ ಅನ್ನೋ ಭಯನೇ ಬೇಡ.
- ನಿವೃತ್ತಿ ಜೀವನ ನಡೆಸುತ್ತಿರುವ ಹಿರಿಯ ನಾಗರಿಕರಿಗೆ ಇದು ಅತ್ಯುತ್ತಮ.
- ಮನೆಯಲ್ಲೇ ಇರುವ ಗೃಹಿಣಿಯರಿಗೆ ಸ್ವಂತ ಖರ್ಚಿಗೆ ಹಣ ಸಿಗುತ್ತದೆ.
- ತಿಂಗಳ ಮನೆ ಬಾಡಿಗೆ, ಕರೆಂಟ್ ಬಿಲ್, ರೇಷನ್ ಖರ್ಚಿಗೆ ಒಂದು ನಿಶ್ಚಿತ ಆದಾಯ ಬೇಕು ಎನ್ನುವವರಿಗೆ ಇದು ಹೇಳಿ ಮಾಡಿಸಿದ ಹಾಗಿದೆ.
ಎಷ್ಟು ಹೂಡಿಕೆ ಮಾಡಿದರೆ, ತಿಂಗಳಿಗೆ ಎಷ್ಟು ಸಿಗುತ್ತೆ? (ಬಡ್ಡಿ ಲೆಕ್ಕಾಚಾರ)
ಈ ಸ್ಕೀಮ್‌ನಲ್ಲಿ ಹೂಡಿಕೆ ಮಾಡಲು ಮಿತಿ ಇದೆ. ನೀವು ಒಬ್ಬರೇ ಅಥವಾ ಇಬ್ಬರು ಮೂವರು ಸೇರಿ ಜಂಟಿ ಖಾತೆ ತೆರೆಯಬಹುದು.
1. ಸಿಂಗಲ್ ಅಕೌಂಟ್ (ಒಬ್ಬರೇ ಖಾತೆ ತೆರೆದರೆ): ನೀವು ಗರಿಷ್ಠ 9 ಲಕ್ಷ ರೂಪಾಯಿವರೆಗೂ ಡೆಪಾಸಿಟ್ ಮಾಡಬಹುದು.
- ನೀವು ಪೂರ್ತಿ ₹9 ಲಕ್ಷ ಇಟ್ಟರೆ, ಪ್ರಸ್ತುತ 7.4% ಬಡ್ಡಿ ದರದ ಪ್ರಕಾರ ನಿಮಗೆ ಪ್ರತಿ ತಿಂಗಳು ಬರೋಬ್ಬರಿ ₹5,550 ರೂಪಾಯಿ ಕೈಗೆ ಸಿಗುತ್ತದೆ! ವರ್ಷಕ್ಕೆ ಸುಮಾರು 66 ಸಾವಿರ ಲಾಭ!
2. ಜಂಟಿ ಖಾತೆ (Joint Account – ಗಂಡ ಹೆಂಡತಿ ಸೇರಿ): ಜಂಟಿ ಖಾತೆಯಲ್ಲಿ ಗರಿಷ್ಠ 15 ಲಕ್ಷ ರೂಪಾಯಿವರೆಗೂ ಇಡಲು ಅವಕಾಶವಿದೆ. ಇಲ್ಲಿ ಲಾಭ ಇನ್ನೂ ಜೋರಾಗಿರುತ್ತೆ.
- ನೀವು ಪೂರ್ತಿ ಲಿಮಿಟ್ ಅಂದ್ರೆ ₹15 ಲಕ್ಷ ರೂಪಾಯಿ ಇಟ್ಟರೆ, ನಿಮಗೆ ಪ್ರತಿ ತಿಂಗಳು ಬರೋಬ್ಬರಿ ₹9,250 ರೂಪಾಯಿ ಬಡ್ಡಿ ನಿಮ್ಮ ಖಾತೆಗೆ ಜಮಾ ಆಗುತ್ತೆ!
(ಕನಿಷ್ಠ 1000 ರೂಪಾಯಿಯಿಂದಲೂ ಖಾತೆ ತೆರೆಯಬಹುದು).
ನೀವು ತಿಳಿದುಕೊಳ್ಳಲೇಬೇಕಾದ ಇತರ ಮುಖ್ಯ ವಿಷಯಗಳು:
- ಅವಧಿ: ಈ ಯೋಜನೆಯ ಅವಧಿ 5 ವರ್ಷಗಳು.
- ಮಧ್ಯದಲ್ಲೇ ಹಣ ಬೇಕಿದ್ದರೆ?: ಒಂದು ವರ್ಷದ ತನಕ ಹಣ ಹಿಂಪಡೆಯಲು ಆಗುವುದಿಲ್ಲ. 1 ವರ್ಷದಿಂದ 3 ವರ್ಷದ ಒಳಗೆ ಹಣ ವಾಪಸ್ ಪಡೆದರೆ ಅಸಲಿನಲ್ಲಿ 2% ಕಟ್ ಮಾಡಲಾಗುತ್ತದೆ. 3 ವರ್ಷದ ನಂತರವಾದರೆ 1% ಕಟ್ ಮಾಡಲಾಗುತ್ತದೆ. ಆದ್ದರಿಂದ 5 ವರ್ಷ ಇಟ್ಟರೆನೇ ಫುಲ್ ಲಾಭ.
- ತೆರಿಗೆ (Tax): ಈ ಯೋಜನೆಯಿಂದ ಬರುವ ಬಡ್ಡಿಯು ನಿಮ್ಮ ವಾರ್ಷಿಕ ಆದಾಯಕ್ಕೆ ಸೇರುತ್ತದೆ ಮತ್ತು ಅದಕ್ಕೆ ತಕ್ಕಂತೆ ತೆರಿಗೆ ಕಟ್ಟಬೇಕಾಗುತ್ತದೆ (Taxable Income).
- ನಾಮಿನಿ ಸೌಲಭ್ಯ: ಖಾತೆ ತೆರೆಯುವಾಗಲೇ ನಾಮಿನಿ (Nominee) ಹೆಸರು ಸೇರಿಸುವುದನ್ನು ಮರೆಯಬೇಡಿ.
ಖಾತೆ ಓಪನ್ ಮಾಡೋದು ಹೇಗೆ?
ತುಂಬಾ ಸಿಂಪಲ್. ನಿಮ್ಮ ಮನೆ ಹತ್ತಿರ ಇರುವ ಯಾವುದೇ ಪೋಸ್ಟ್ ಆಫೀಸ್‌ಗೆ ಹೋಗಿ.
- ನಿಮ್ಮ ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್ ಒರಿಜಿನಲ್ ಮತ್ತು ಜೆರಾಕ್ಸ್ ಇರಲಿ.
- ಎರಡು ಪಾಸ್‌ಪೋರ್ಟ್ ಸೈಜ್ ಫೋಟೋ.
- ಅಲ್ಲಿ ಸಿಗೋ MIS ಅಪ್ಲಿಕೇಶನ್ ಫಾರಂ ತುಂಬಿ, ಹಣವನ್ನು ಚೆಕ್ ಅಥವಾ ನಗದು ರೂಪದಲ್ಲಿ ನೀಡಿದರೆ ನಿಮ್ಮ ಖಾತೆ ರೆಡಿ!
ಇನ್ನೇಕೆ ತಡ? ನಿಮ್ಮ ಮನೆಯಲ್ಲಿ ಸುಮ್ಮನೆ ಬಿದ್ದಿರುವ ಅಥವಾ ಬ್ಯಾಂಕಿನಲ್ಲಿ ಕಡಿಮೆ ಬಡ್ಡಿಗೆ ಕೊಳೆಯುತ್ತಿರುವ ಹಣವನ್ನು ಇಂದೇ ಪೋಸ್ಟ್ ಆಫೀಸ್ MIS ಗೆ ಸೇರಿಸಿ, ಟೆನ್ಶನ್ ಫ್ರೀ ಆಗಿ ಪ್ರತಿ ತಿಂಗಳು ಆದಾಯ ಪಡೆಯಿರಿ!
Mahesh is the founder and editor of Vidyamana.com, a Kannada website dedicated to news, technology updates, and cultural content. With 5 years of experience in digital journalism, he is passionate about providing accurate, engaging, and useful information to his readers.
Mahesh believes in making knowledge accessible to everyone and enjoys exploring new topics, sharing insights, and connecting with the community. His work focuses on regional news, technology trends, and cultural stories that matter to Kannada-speaking audiences.
When not writing or editing, Mahesh enjoys reading, learning about new digital tools, and engaging with his readers to better understand their interests and needs.
Connect with Mahesh
Email: [email protected]
Twitter: @MaheshVidyamana
